MULLERES INVENTORAS

Deixámosvos aquí unha relación de mulleres que contribuíron a mellorar o noso mundo. A POR ELAS!

• Josephine Cochran e o lavavaixelas.
• Mary Anderson e o limpaparabrisas.
• Patsy Sherman e o descubrimento do protector Scotchgard, un polímero fluoroquímico que, aplicado ás teas, repelía o aceite ou a auga.
• Patricia Billings e o Geobond, que é un material de construción indestrutible e incombustible.
• Erna Schneider Hoover e o sistema automatizado de conmutación teléfonica.
• Sally Fox comezou a investigar ata crear un algodón coloreado de fibra larga, comercialmente viable (mellor para os teares de hoxe). A invención chámase FoxFibre.
• Bette Nesmith Graham e o Tipp-ex.
• Julia Newmar e os pantis.
• Marion Donovan (1917-1998) e os cueiros de plástico e rexeitables.
• Catherine Blodgett (1898-1979) e o cristal non reflectante.
• Rachel Fuller Brown (1898-1980) e Elizabeth Lee Hazen (1885-1975) e o antibiótico antifungos.
• Martha Coston (1826-?) e os sinais tricolores marítimos.
• Clatonia Joaquin Dorticus-inventou unha máquina e un método fotográfico mellorado para a impresión.
• Gertrude Elion (1918-1999) e a loita contra a leucemia e o herpes.
• Edith Flanigen (1929-?) e o refinado do petróleo.
• Beulah Henry, de Memphis, Tennessee, creou cerca de 110 invencións e obtivo 49 patentes. Beulah Henry era considerada, por algúns, a "Señora Edison" pola súa prolífica carrera como inventora.
• Mary Phelps Jacob e o  suxeitador (o sostén).
• Marjorie Stewart Joyner (1896-?) e a máquina para facer permanentes.
• Margaret Knight (1838-1914) raíña das bolsas de papel.
• Stephanie Kwolek (1923-?) e a fibra Kevlar que é o material usado nos chalecos antibalas e os traxes ignífugos. Outros usos do composto inclúen os cables subacuáticos, as gornicións dos freos, os vehículos espaciais, os barcos, os paracaídas, os esquíes, e os materiais de construción.

ARTIGO:  “Mujeres Inventoras”, por Raquel Barcos Reyero e Eulalia Pérez Sedeño.

Onde poderedes encontrar máis información? Pois, en...

máis sobre MULLERES INVENTORAS


MARÍA WONENBURGER, matemática nada en OLEIROS

María Wonenburger, imaxe de http://amecopress.net 

biografía de MARÍA WONENBURGER

MARIA WONENBURGER, material elaborado no IES BLANCO AMOR de CULLEREDO

biografia de 
MARGARITA SALAS 

biografía de MARIA BLASCO, recollida do Huffington Post

biografía de RITA LEVI-MONTALCINI

FLORENCE NIGHTINGALE, do blog de SANDRA FERRER, "Mujeres en la Historia"

biografía de FLORENCE NIGHTINGALE, moi completa, elaborada pola UNESCO


E, para realizar o traballo que vos propuxemos, utilizade os anteriores enlaces ou usade as páxinas que  encontramos en  http://duo5.lacoctelera.net

http://www.educar.org/inventos/ (Moi interesante)

http://losinventos.iespana.es/

http://www.kalipedia.com/ (Enciclopedia on-line onde podes encontrar artículos, imaxes, vídeos, etc. sobre algúns inventos ou inventores).

http://es.wikipedia.org/ (Outra enciclopedia on-line)

http://inciclopedia.wikia.com/wiki/Grandes_Inventos (Grandes inventos)

http://www.wiseupkids.com/inventos.htm (Grandes inventos e descubrimentos)

http://www.misrespuestas.com/cuales-son-los-grandes-inventos-y-descubrimientos.html (Moi breve información sobre grandes inventos).

http://www.euroresidentes.com/Blogs/avances_tecnologicos/avances.htm

AVISOS: TRABALLOS de español

Ola mozos e mozas:
Na próxima quincena tedes que realizar un traballo de investigación sobre o ENTROIDO. Levades un guión para realizalo, axustádevos a el e seguide os pasos que vos marcamos. ENTREGARÉDELO, como data tope, o venres 22 de febreiro.
NON O DEIXEDES PARA O FINAL, ide facendo todos os días un pouco, revisade o que escribides, corrixide os erros, dádello a ler a outras persoas, volvede corrixir, e, cando o teñades revisado e corrixido, pasádeo a limpo con letra clariña, en folios en branco. Poñédelle unha folla portada bonita na que fagades constar os vosos datos e para que asignatura o elaborastes, e OLLO!, non esquezades escribir o título do informe. Na última folla do traballo tedes que anotar a bibliografía, e debedes engadirlle a esta última páxina, un folio en branco.
SODES CAPACES DE FACELO MOI BEN! ÁNIMO E A POR UN TRABALLO BEN FEITO!

RETO AEROPORTOS VERDES

Ola de novo:
Como xa rematastes os vosos proxectos para o Reto Aeroportos Verdes de AENA, avísovos de que xa os enviamos a esa organización. Ademais, aproveitei para colgárvolos na nosa páxina E NÓS TAMÉN ESCRIBIMOS...
Bo traballo!

TRABALLO DE MEDIO: Os ecosistemas

Esta entrada só é para lembrarvos que o oito de xaneiro, 8/1/13, tedes que entregar o traballo sobre o ecosistema galego que escollestes. Lembrade que primeiro o facedes a suxo, nun borrador, e que logo o tedes que pasar a limpo na folla que vos demos.

CÓMIC

Ola, aquí tes as normas para confeccionar o teu "cómic"!

1.    Practico en follas a suxo, tanto os debuxos coma as letras dos textos.

2.    Cando o pase a limpo, QUE FAGO?

1)    Realizo primeiro o debuxo a lapis, que ten que estar sempre MOI AFIADO, e fágoo “suaviño”, para poder borrar ben, se me equivoco. TEÑO QUE TER EN CONTA O ESPAZO QUE VAN OCUPAR os “bocadillos” e os textos de apoio.

2)   Trazo os globos ou os textos de apoio: NON OS PODO FACER TORTOS e NON SAIRÁN DAS BOCAS DE NINGÚN DOS PERSONAXES, apuntarán cara eles. O bocadillo da esquerda será para quen fale primeiro!

3)   Unha vez feitos, os debuxos, os globos e as cartelas cos textos de apoio, escribo os textos, coidando moitísimo a LETRA, que ten que ser CLARA e LEXIBLE. Pensade que non escribides para vós, senón para ser lidos polos demais!

Coidade tamén a ORTOGRAFÍA!

4)   Paso todos os textos cun rotulador negro de punta fina. FÁGOO DE ESQUERDA Á DEREITA E DE ARRIBA A ABAIXO.

5)   Rotulo TODAS AS LIÑAS dos bocadillos e textos de apoio con ese mesmo rotulador. FÁGOO tamén DE ESQUERDA Á DEREITA E DE ARRIBA A ABAIXO.

6)   Cando estea ben seca a tinta, borro moi ben os restos de lapis.

7)   A continuación, coloreo o interior dos debuxos a rotulador; pero non dos globos ou cartelas de apoio. FÁGOO sempre na mesma dirección; é dicir, se comecei de esquerda á dereita, sempre nese sentido, e, se o fixen, de arriba a abaixo, sempre así tamén.

8)   Ao rematar o anterior, repaso coa mesma color que utilicei para cada parte dos meus debuxos OS CONTORNOS das miñas figuras. Se é posible, sempre nun ton máis escuro ca o do interior.

9)   E, por último, coloreo cun plastidecor, os fondos das miñas viñetas. FÁGOO sempre na mesma dirección; é dicir, se comecei de esquerda á dereita, sempre nese sentido, e, se o fixen, de arriba a abaixo, sempre así tamén.

LEMBRO que o teño que entregar, TOTALMENTE REMATADO, o martes 10 de abril; xusto á volta das vacacións de Semana Santa.