DEBUXANDO A FILGUEIRA, traballos do IES ESPIÑEIRA de BOIRO

Ola mozas e mozos de 6º, queremos ensinarvos os vídeos que o alumnado do IES Espiñeira de Boiro e o Equipo de Normalización Lingüística gravaron para o Día das Letras Galegas que como xa sabedes este ano se lle adicou a Filgueira Valverde.

 

EN GALEGO, MEU O MUNDO É

Ola raparig@s, compartimos con vós este "lip dub" que fixeron no CEIP Fernández Latorre da Coruña. Desfrutádeo, iso si, "EN GALEGO"!!

"Brinca Vai"

ROTEIRO CULTURAL: ÁLVAREZ DE SOTOMAYOR, CASARES QUIROGA, BUGALLAL MARCHESI

Estades avisados de que mañá, xoves 21 de maio, realizaremos un roteiro ao redor destas tres figuras da cultura e da política que tiveron moita relación con Oleiros. Organízao o alumnado de 1º de BAC do IES MIRAFLORES xunto co Sistema de Bibliotecas Públicas Municipais do Concello e o Servizo de Normalización Lingüística.

Casares Quiroga, Álvarez de Sotomayor e Bugallal Marchesi

 

GALICIA, PAÍS DAS LETRAS: actividade do Concello

Imaxe collida do blog.rtve.es

Ola raparig@s, xa sabedes que mañá 20 de abril teremos unha actividade do Concello desenvolvida desde a área de Normalización Lingüística. En que consiste? Inserímosvolo aquí: 



É un proxecto que procura achegar dunha maneira participativa, lúdica e potenciando aspectos orais, contidos culturais relacionados coa lingua, co patrimonio e coa literatura galega ao alumnado. A través dunha posta en escena teatral os educadores/as propóñenlle aos nenos e nenas participantes unha serie de retos que van ter que superar, de maneira rotatoria e cooperativa ao mesmo tempo.

Obxectivos:  

- Fomentar o uso da lingua.

- Estudar os autores homenaxeados nas Letras Galegas.

- Traballar a expresión oral e musical.

- Desenvolver a creatividade.

- Revalorizar o patrimonio inmaterial galego.

Destinatarios/as: O alumnado do último ciclo de primaria e 1º de ESO.

Data e hora: 20 de abril, 12 h.

Lugar: Porche cuberto do patio de recreo de EP.