BAUTISMO DE SURF, ANPA BIDUEIRO

30 de xaneiro DÍA DA PAZ

Mural feito polo alumnado do noso "cole", foto realizada por Celtia

Aproveitamos esta entrada para colgarvos un vídeo de YouTube coa canción "La cançó del soldadet" do grupo catalán Manel.

DÍA da PAZ

Nelson Mandela: “O heroe dun país”

Cartel realizado polo alumnado do "cole"

Nelson Rolihlahla Mandela naceu en Mvezo (Unión Sudafricana) o 18 de xullo de 1918 e faleceu o 5 de decembro de 2013. Foi un dos principais loitadores contra o apartheid -política do goberno branco daquel país e que consideraba inferiores aos homes e mulleres que non fosen desa raza-. Nelson Mandela participou no CNA (Congreso Nacional Africano) que pelexaba contra esas leis. O cinco  de decembro do  1956,  Madiba e outros 150 activistas antiapartheid foron detidos por alta traizón, condeárono a pena de prisión e non sería liberado ata o ano 1990. Cando o soltaron, traballou co presidente De Klerk que gobernaba naquel momento para cambiar esas leis. Uns anos máis tarde, no 1994, foi elixido o primeiro presidente negro de Suráfrica.

Nelson Mandela, no seu 89º aniversario/ ALEXANDER JOE (AFP)

Nelson Mandela foi galardoado co premio Nobel da Paz 1993, pola súa loita pola igualdade de dereitos para as diferentes razas.

Foi coñecido como Madiba, título honorífico que se lle dá aos anciáns do clan “xhosa” ao que el pertencia.

Este pasado trinta de xaneiro, Día da Paz, na nosa escola recordamos a Madiba polos seus bos actos.

Carmen Conchado e Tomás Álvarez

Fontes:

• http://es.wikipedia.org/wiki/Nelson_Mandela
• http://internacional.elpais.com/internacional/2013/12/05/actualidad/1386282807_331859.html  -PARA A FOTO-

TOD@S SOMOS IGUAIS!

Como xa sabedes, ao noso ciclo tócalle redactar un conto en equipo para o Día da Muller Traballadora (8 de marzo). E para que vaiades vendo por onde van os tiros, ímosvos colgar uns cantos enlaces.

La Cenicienta que no quería comer perdices, de NUNILA LÓPEZ SALAMERO

Una feliz catástrofe, de ADELA TURÍN

E aquí tedes outros contos máis:

El príncipe ceniciento

Viejos cuentos, nuevos finales

Sofía, la vaca que amaba la música

Rosa caramelo

Los colores, de Nunila López

El Príncipe Ceniciento

MATERIAIS PARA O QUINTO NIVEL DE EP

Ola a tod@s, familias e cativ@s:
Volvemos poñernos en marcha! E, para comezar, ímosvos colgar a relación de materiais para o curso 2013/2014. Lembrade antes de compralos que algúns deles xa os tivestes que mercar en cursos anteriores, que os tedes en casa ou QUE QUEDARON NA ESCOLA para que non se vos perdesen. (Se dubidades se os tedes, non os merquedes ata comprobar que vos quedaron  xa nas aulas ou que os gardastes na vosa casa!)

Unha forte aperta e BO COMEZO DE CURSO.

Julia Paz e Conchi Patiño (titoras de 5º curso)

CURSO 2013/2014

MATERIAL PARA O ALUMNADO DO QUINTO NIVEL DE EDUCACIÓN PRIMARIA DO CEIP PLURILINGÜE ISIDRO PARGA PONDAL

Consumible:

a  1 carpeta grande de 2 anelas tamaño folio cun recambio cuadriculado e outro raiado

a  1 sobre de arandelas autoadhesivas para reparar os furados rotos dos recambios desa carpeta

a  1 paquete de 500 folios DIN A4 de 80 g

a  1 goma de borrar MILAN 612 NATA

a  1 barra grande de pegamento

a  2 lapis STAEDTLER NORIS 2HB

a  1 afilalapis bo con depósito

a  1 bolígrafo azul  +  1 bolígrafo vermello

a  1 caixa de 12 PLASTIDECORES de CONTÉ

a  1 caixa de 10 rotuladores de cores EDDING 1200 (negra, vermella, amarela, azul clara, azul escura, verde clara, verde escura, laranxa, lila, marrón...)

a  5 fundas multitaladro de plástico tamaño folio

a  1 funda de plástico tipo sobre –tamaño FOLIO (grande)

a  1 axenda escolar do curso 2013-2014 –tamaño cuartilla-

a  1 libreta tamaño folio de aramio para a asignatura de lingua inglesa

Non consumible:

a  1 estoxo grande de cremalleira con tirador para gardar o material de uso diario

a  Unhas tesoiras KAICUT _se a nena ou o neno é zurda/o, unhas que se lle adecúen_

a  1 regra boa de 30 cm, unha escuadra, un cartabón e un transportador de ángulos

a  1 compás básico

a  1 calculadora básica

a  1 envase de 10 separadores mulititaladro en PVC para a carpeta de aula

a  1 frauta HOHNER

a1 lapis de memoria de 4 GB

aUns AURICULARES

PORTO DE SANTA CRUZ, setembro de 2013

P.D. 1º SÉRVELLES TODO O MATERIAL CITADO ARRIBA QUE CONSERVEN DE CURSOS ANTERIORES E QUE ESTEA EN BO ESTADO

      2º RECOMENDÁSELLES QUE TODO o MATERIAL (lapis de memoria, auriculares, lapis, rotuladores, carpetas, gomas, regras, libretas...) VEÑA ETIQUETADO CO NOME COMPLETO DO ALUMNO/A e os libros FORRADOS E IDENTIFICADOS (na súa parte exterior, na zona superior esquerda)

E por fin, chegou... O FINAL DO CURSO!

Ola cativ@s:
A que criades que non ía chegar nunca? Pois, aquí o temos: outro ano máis, e, nesta ocasión, coma noutras, compañeir@s que nos deixan.

Ben,  raparig@s, hoxe como xa sabedes, temos o corazón dividido ou fraccionado, xa que  comeza o verán e rematan as clases.

Como despedida, deixámosvos un vídeo, resumo da excursión de fin de curso a Ponteceso, acompañado dalgunhas fotos a maiores que amosan algúns dos momentos que vivíchedes neste ano e no anterior. Ademais, vaivos servir para lembrarvos das compañeiras que nos deixan. 

Esperamos que vos guste!

Só queda desexarvos un estupendo verán no cal recarguedes pilas para coller 5º con moito ánimo e enerxía!

 Conchi Patiño e Cristina Palleiro

P.S.


NON OLVIDEDES entrar no blog a finais da semana que vén para consultar os materiais que se vos van pedir para 5º de EP, para o curso 2013/14.

VISITA DA PROFE CECILIA

Ola,somos os nenos de 4º A.

Aquí vos deixamos un powerpoint que elaboramos  con motivo da visita ao noso colexio da nosa exprofesora Cecilia.

Cecilia, se estás vendo isto, esperamos que che guste.

Botámoste de menos e sempre estarás nos nosos corazóns.

Moitos bicos.

Powerpoint para a nosa profe Cecilia from santacruz2013

RECORDATORIO DE EXAMES

Ola raparig@s!

Antes das ansiadas vacacións de Semana Santa teremos dous controis. Son os seguintes:

O xoves dia 21 de marzo temos o control de Lingua Castelá dos temas
7 e 8.

E o próximo venres día 22 de marzo, teredes o exame de matemáticas do tema 10 "Tempo e diñeiro".

Así que empezade a repasar todos os días na casiña.

ÁNIMO e a por unhas BOAS NOTAS que volas merecedes!!

O PLANO

Ola rapaces e rapazas:
Como calquera destes días vos imos pasar unha proba sobre este tema que estamos a traballar en coñecemento, dámosvos un enlace que vos pode axudar! UTILIZÁDEO, que vos vai vir ben e así seredes quen de conseguir bos resultados! ÁNIMO e a por eles!

O PLANO E A ORIENTACIÓN

novos temas de MATEMÁTICAS, ESPAÑOL e GALEGO

Ola cativos e cativas:
Temas novos, dos que vos imos poñer aquí os contidos.

MATEMÁTICAS

Tema 10	Tempo e Diñeiro
Conceptos	Unidades de tempo / Horas no reloxo analóxico e dixital. Unidades de moeda.
Cálculo mental	Suma de números descompoñendo os sumandos.
Problemas	Resolución de problemas aplicando equivalencias de tempo e situacións de compra.
Competencias	Coñecemento dos aspectos cuantitativos e temporais da realidade.
Repaso	Números, operacións e problemas.

Aquí tedes un enlace para traballar as unidades de tempo co reloxo.

RELOXO DIXITAL E ANALÓXICO


LINGUAS ESPAÑOLA e GALEGA

TEMA 8	LINGUA ESPAÑOLA, EL ARTISTA SABIO, páxs. 106 á 119	LINGUA GALEGA, UN MUNDO DE MATERIAIS, páxs. 110 á 123
Lectura	El artista sabio, páx. 106.	UN TEXTO NARRATIVO, O garaxe, de “Brais e os demais”, de Manuel Darriba, páx. 112.
Vocabulario	Sufixos para formar adxectivos.	Os sufixos (II).
Ortografía	O b nos verbos.	Palabras con h e sen h.
Gramática	A primeira conxugación.	Os determinantes: os demostrativos e os posesivos.
Expresión escrita	Facer unha invitación.	Describir os personaxes dun conto. . SUMARLLE a expresión escrita do tema 12  de lingua española, páxs. 160 á 173.
Comunicación oral	Falar sobre a xente.	Describir lugares.
Literatura		As lendas.
Aprender a pensar		Desafiar. Como nos enfrontamos a actividades que nos resultan difíciles?
Outros textos
Melloro as miñas competencias	Escribimos un correo electrónico.	Contar unha lenda.

AVISOS: TRABALLOS de español

Ola mozos e mozas:
Na próxima quincena tedes que realizar un traballo de investigación sobre o ENTROIDO. Levades un guión para realizalo, axustádevos a el e seguide os pasos que vos marcamos. ENTREGARÉDELO, como data tope, o venres 22 de febreiro.
NON O DEIXEDES PARA O FINAL, ide facendo todos os días un pouco, revisade o que escribides, corrixide os erros, dádello a ler a outras persoas, volvede corrixir, e, cando o teñades revisado e corrixido, pasádeo a limpo con letra clariña, en folios en branco. Poñédelle unha folla portada bonita na que fagades constar os vosos datos e para que asignatura o elaborastes, e OLLO!, non esquezades escribir o título do informe. Na última folla do traballo tedes que anotar a bibliografía, e debedes engadirlle a esta última páxina, un folio en branco.
SODES CAPACES DE FACELO MOI BEN! ÁNIMO E A POR UN TRABALLO BEN FEITO!

NOVOS TEMAS de LINGUA GALEGA e ESPAÑOLA

Ola cativos e cativas de 4º:
Comezamos novos temas nas dúas linguas. E aquí tedes a táboa cos contidos que imos traballar neles.

TEMA 7	LINGUA ESPAÑOLA:AVENTURA EN LA ANTÁRTIDA, páxs. 92 á 105	LINGUA GALEGA: VIAXE ESPACIAL, páxs. 96 á 109
Lectura	Aventura en la Antártida, páx. 92.	UN TEXTO NARRATIVO, Astronautas, de “Os amores de Bruno”, de Antón Cortizas, páx. 98.
Vocabulario	Sufixos para formar substantivos.	Os sufixos (I).
Ortografía	Adxectivos con v.	As contraccións do artigo.
Gramática	Os tempos verbais.	Os determinantes: o artigo.
Expresión escrita	Continuar un texto.	Facer un esquema.
Comunicación oral		Intervir nun debate.
Literatura	A rima.
Aprender a pensar		Concentrarse. Que facemos para concentrarnos mellor?
Outros textos	Un folleto.
Melloro as miñas competencias	Consultamos a enciclopedia.	Elaborar un texto informativo.

EXAME DE galego

Este venres, 8 de febreiro, faremos o exame do tema 6 de lingua galega. Así que, ide repasando para que ese día vos saia moi ben. ÁNIMO!

exame de LINGUA ESPAÑOLA

Ola cativos e cativas!
Con esta entrada lembrámosvos que o martes, 5 de febreiro, vos examinaredes do tema 6 de lingua española. Ídeo estudando pouco a pouco, comezade hoxe, e cada día que pase, repasades o anterior e estudades o novo. VEÑA, a por el, que xa queda menos!

Na semana entrante, tamén vos examinaredes do tema 6 de galego. Xa vos diremos cando.

novos temas de MATEMÁTICAS e MEDIO

Comezamos novos temas en MATEMÁTICAS e MEDIO. Cales son?

• MATEMÁTICAS: Rectas, semirrectas, segmentos, ángulos

Que daremos nel?

• Identificación de rectas paralelas, secantes e perpendiculares.
• Identificación e trazado de rectas, semirrectas e segmentos.
• Recoñecemento da orixe dunha semirrecta e dos extremos dun segmento.
• Recoñecemento dos elementos dun ángulo.
• Medición de ángulos co transportador.
• Clasificación de ángulos en rectos, agudos e obtusos, a partir da súa medida en graos.
• Reconstrución do enunciado dun problema.
• Valoración da utilidade do vocabulario específico á hora de referirnos a conceptos xeométricos en situacións da vida cotiá.
• Interese por presentar os debuxos de elementos xeométricos de forma correcta e limpa.

En que páxinas poderemos entrar?
RECTAS e ÁNGULOS

VÍDEO no que vos ensinan a medir ángulos

outro VÍDEO no que vos aprenden a trazar paralelas e perpendiculares

E NON PODEMOS ESQUECER QUE TEMOS QUE CONTINUAR TRABALLANDO O CÁLCULO: sumas, restas, multiplicacións e división por dúas cifras!

• E en MEDIO, cal?

Pois, un que tampouco aparece no libro. O PLANO!
E que traballaremos nel?

• Elaboración, en grupos e individualmente, do plano da clase.Interpretación de planos da contorna próxima.
• Localización no espazo de obxectos situados no plano, e viceversa.
• Identificación de elementos e lugares representados no plano.
• Utilización da cuadrícula coma referencia para localizar a posición dos obxectos no plano.
• Localización da cuadrícula no plano cuadriculado a partir de filas e columnas.
• Adopción e utilización da notación para a definición da situación de puntos no plano.
• Representación e lectura de puntos no primeiro cuadrante do plano cartesiano.
• Construción de figuras e itinerarios no plano dadas as súas coordenadas, e viceversa.
• Localización e representación de puntos no primeiro cadrante do plano cartesiano.
• Codificación e decodificación de recorridos mediante a lectura ou situación de puntos no plano cartesiano cos valores das coordenadas.

E en que páxina poderemos entrar para practicar?
COORDENADAS DUN PUNTO NO PLANO