os nen@s que aprenden : animais vertebrados

lunes, 17 de marzo de 2014

OS VERTEBRADOS, novo tema de coñecemento do medio

http://www.animalesenpeligro.info/

Ola cativas e cativos: Volvemos para atrás coma os caranguexos, e regresamos ás ciencias naturais. Para que e por que? Para facer un descanso antes de meternos na historia.

Que imos dar? O tema segundo do voso libro de texto: OS ANIMAIS VERTEBRADOS, páxs. 16-29.

Que estudaremos nel?

Características xerais dos vertebrados.
Mamíferos: características xerais. Relación entre a dentición e a alimentación.
Aves: características xerais. Relación entre a forma do bico e as egagrópilas, coa alimentación.
Réptiles: Características xerais e alimentación.
Anfibios: características xerais e alimentación.
Peixes: características xerais e alimentación.
Facer debuxos sinxelos, como esquemas anatómicos.
Elaboración dun caderno de campo baseado na observación.
Análise de formas de bicos, dentes, patas e outros detalles físicos de vertebrados, para relacionalos coa forma de vida de cada animal.
Estudo das egagrópilas de diferentes aves para coñecer a súa alimentación.
Aprendizaxe do uso dunha clave dicotómica para recoñecer animais.
Valoración das especies que habitan a Terra. Identificación da postura de defensa da natureza coa da defensa da paz.
Adquisición de argumentos para ter un consumo de alimentos de forma responsable e equilibrada e para opoñerse á contaminación das augas.
Achegamento ao concepto de biodiversidade a través do estudo de diferentes formas de alimentación dos vertebrados. Desenvolvemento da afección por observar a natureza.