TOCA PRACTICAR: RESOLUCIÓN de PROBLEMAS e SIMETRÍAS

Ola guapetóns e guapetonas:  Problemas ? E por que non? Cantos máis fagades, máis fácil vos vai ser entendelos!

E non esquezades repasar para o exame da semana que vén a simetría.

VEÑA, YOU CAN!

SIMETRÍA

MATEMÁTICAS, temas 9 e 10

Ola a tod@s:

Seguimos traballando a xeometría. No tema 9 estudamos as figuras planas e no tema 10 os corpos xeométricos.Teredes que dedicarlle un tempo ao estudo de conceptos (vértice, arista, tipos de triángulos, tipos de figuras planas, circunferencia...) pero tamén convén que sigades practicando o debuxo das figuras. Cando rematemos estas dúas unidades, realizaremos un control. 

Tema 9 : As figuras planas Tema 10: Os corpos xeométricos
Conceptos	Clases e elementos dos polígonos.      Triángulos e cuadriláteros.       Polígonos regulares.       Construción de triángulos.       Circunferencia e círculo.               Prismas e pirámides.          Poliedros regulares.    Corpos redondos e de revolución.   Introdución ao volume.
Cálculo mental	Metade de números de dúas cifras.
Cálculo	Repaso división, multiplicación de cifras rematadas en ceros.
Problemas	Estimar resultados dun problema antes de resolvelo.
Competencias	Aplicación práctica dos conceptos.

ENLACES

Os polígonos

Os triángulos

Cuadriláteros

Como debuxar un triángulo a partir dos seus lados

Circunferencia e círculo

Corpos xeométricos

Elementos dos corpos xeométricos

PASOS A SEGUIR Á HORA DE REALIZAR AS TAREFAS

Hai xa algún tempo que Xusto, o noso orientador, nos deu estas suxestións para que as teñades en conta á hora de facer as cuestións, problemas, operacións... Así que aí vos van:

Departamento de Orientación CEIP PLURILINGÜE ISIDRO PARGA PONDAL

ESTRATEXIAS PARA MELLORAR A COMPRENSIÓN LECTORA

. Realizo unha lectura silenciosa.
. Marco o que non entendo.
. Subliño as palabras ou expresións que non comprendo para posteriormente buscar o seu significado no dicionario.
. Utilizo o dicionario. Se non o entendo, pídolle axuda á persoa maior que teña máis próxima.
. Leo, despois da lectura inicial, párrafo a párrafo para centrarme en cada un.
. Busco a idea principal de cada parágrafo.
. Formúlome preguntas básicas sobre o texto: Quen é o protagonista? De quen falan? Que lle ocorre? Onde pasa? Cando sucede? Que explican?...
. Realizo varias relecturas cando non o entendo; é dicir, cando non sei responder ás preguntas anteriores.
. Reteño o lido e volvo contalo.

ESTRATEXIAS PARA A RESOLUCIÓN DE PROBLEMAS MATEMÁTICOS

. Leo o problema varias veces.
. Identifico os datos do problema.
. Recoñezo a pregunta.
. Fago unha representación gráfica do problema; é dicir, un debuxo se me é posible!
. Identifico as operacións a realizar.
. Fago as operacións e anoto ao lado de cada resultado que é esa cantidade!
. Respondo á pregunta cunha oración completa.