E por fin, chegou... O FINAL DO CURSO!

Ola cativ@s:
A que criades que non ía chegar nunca? Pois, aquí o temos: outro ano máis, e, nesta ocasión, coma noutras, compañeir@s que nos deixan.

Ben,  raparig@s, hoxe como xa sabedes, temos o corazón dividido ou fraccionado, xa que  comeza o verán e rematan as clases.

Como despedida, deixámosvos un vídeo, resumo da excursión de fin de curso a Ponteceso, acompañado dalgunhas fotos a maiores que amosan algúns dos momentos que vivíchedes neste ano e no anterior. Ademais, vaivos servir para lembrarvos das compañeiras que nos deixan. 

Esperamos que vos guste!

Só queda desexarvos un estupendo verán no cal recarguedes pilas para coller 5º con moito ánimo e enerxía!

 Conchi Patiño e Cristina Palleiro

P.S.


NON OLVIDEDES entrar no blog a finais da semana que vén para consultar os materiais que se vos van pedir para 5º de EP, para o curso 2013/14.

matemáticas -OS CORPOS XEOMÉTRICOS-

E para rematar e saber un pouco máis sobre OS CORPOS XEOMÉTRICOS, un bo enlace, recomendado polo rincón didáctico de matemáticas de EDUCAREX!

OS CORPOS XEOMÉTRICOS, recurso colgado na páxina educativa da Generalitat catalá

E para que repasedes no verán e non esquezades o que demos de matemáticas neste bienio escolar, 2011-2013, un enlace a MATEMÁTICAS, de "ntic.educación". (Tedes que picar en ENTRAR e logo seleccionar unha das opcións que vos propoñen: NÚMEROS e OPERACIÓNS, FORMAS e ORIENTACIÓN NO ESPAZO, TRATAMENTO DA INFORMACIÓN, RESOLUCIÓN DE PROBLEMAS e RETOS, e, por último, MEDIDA.)

CIENTÍFICOS e INVENTORES

As nosas titoras, pedíronnos que investigasemos sobre persoas importantes para a nosa sociedade e nós decidimos traballar sobre: 

 ALBERT EINSTEIN

Traballo de albert einstein uxías- xuño 2013 from Isidro2013

 ADA BYRON, coñecida tamén coma ADA LOVELACE

Ada augusta byron king andrea e natalia padín- xuño 13 from Isidro2013

matemáticas -OS POLÍGONOS-

Ola raparig@s:
Inserímosvos un enlace a un bo "slide" no que nos presentan unha estupenda explicación dos POLÍGONOS.
Cando o vexades, veredes que fáciles son de comprender e de estudar!

OS POLÍGONOS, por Nacho Diego

E agora, outros dous enlaces máis, recomendados estes pola editorial Santillana.

OS TRIÁNGULOS, bo traballo de NTIC

OS CUADRILÁTEROS, recurso educativo chileno

E, para rematar, enlaces a xogos co TANGRAM! 

TANGRAM, recurso elaborado por unha rede escolar de MÉXICO

imaxe procedente do blog GAMMA PSICÓLOGOS

TANGRAM, recurso educativo colgado en AVERROES, Junta de Andalucía

E para que disfrutedes un rato máis, un vídeo de YouTube!

E para que comprobedes o que sabedes, ide a...

OS TRIÁNGULOS, proposta educativa de THATQUIZ

THATQUIZ, sitio que permite producir exercicios e ver os resultados de maneira inmediata

vídeos de CANAL LECTOR

E para que pasedes un rato divertido nestes días estresantes, aí vos van... Que? Pois dous vídeos que colgou Canal Lector no seu Karaoklec! Se vos gustan, hai bastantes máis. Entrade en Canal Lector!

EXCURSIÓN de final de curso

Ola familias e neno@s: Como non íamos ir de excursión? Pero, pensabades que non a íamos facer? 
Pois... aquí está, a tan esperada, desexada, anhelada..., e tantísimas cousas máis:

Praia de Balarés (Ponteceso)

Estimadas familias do alumnado de 4º de EP:

As mestras titoras imos levar aos cativos de excursión, o martes día 18 de xuño, á praia de Balarés (Ponteceso), con parada en Buño (Malpica) para visitar o Ecomuseo “O Forno do Forte”.

A excursión custará 9 € por alumno/a.

Informámoslles que sairemos ás nove e media, 9.30 horas, do aparcamento situado diante do pavillón. (Os raparigos/as subirán ás aulas coma se fose un día normal). A hora prevista de chegada será, aproximadamente, ás sete e media da tarde (19.30). PREGÁMOSLLES puntualidade, tanto á ida coma á volta.

Os nenos que utilizan transporte pola mañá poden vir nel e as mestras encargarémonos de recollelos. (Pola tarde, non contaremos con servizo de autobús!; así que os terán que vir buscar.)

Deberán levar:

• Dous tentempés, un para media mañá e outro, para a merenda.
• Comida e bebida para o xantar.
• Roupa e calzado cómodos. A vestimenta axeitarase ás previsións meteorolóxicas!
• Un bañador, unha toalla, e roupa para se cambiar e non regresar coas prendas molladas.
• Unha gorra ou un sombreiro.
• Crema protectora. Recomendámoslles botala xa en casa.

Un saúdo.

Cristina Palleiro (titora de 4ºB) e Conchi Patiño (titora de 4ºA).

No Porto de Santa Cruz, a sete de xuño de 2013

P.D.

• Contaremos coa colaboración do servizo de Protección Civil do concello de Ponteceso.
• Teñen máis información en...
  
  concello de PONTECESO (páx. web oficial do concello de Ponteceso); piquen en TURISMO.

        FORNO do FORTE -Buño- (Ecomuseo “O Forno do Forte”).

• Aproveitamos a circular para desexarlles a todos Vdes. un BO VERÁN e avisalos de que imos colgar no blog os materiais para o curso que vén. Estean atentos os últimos días de xuño.

programación do novo tema de medio O CLIMA

Ola cativas e cativos: Iniciamos un novo tema, do que vos imos colgar aquí o que pensamos dar nel.

CONTIDOS do tema O CLIMA, páxs. 130 á 143
.  O clima e o tempo atmosférico.         . Os aparellos meteorolóxicos.        .  As estacións e as súas características.	. Relación e diferenzas entre clima e tempo atmosférico.          . Explicación dos contidos a través de textos e gráficas.         .  Elaboración dunha gráfica de temperaturas.        .  Construción dun termómetro caseiro.         . Participación en traballos colaborativos.         . Autoavaliación.         . Uso das TIC para aprender.	. Sensibilidade pola conservación do medio ambiente. ·         . Valoración do traballo en equipo.        . Respecto pola diferenza.          . Recoñecemento do traballo en equipo como método positivo de traballo.         . Interese pola observación e o estudo do clima.      .  Educación en valores: Interesarse polos textos escritos como fonte de aprendizaxe.      .  Respectar as iniciativas e opinións dos demais no traballo en equipo e en diversas situacións comunicativas.

Enlaces que utilizaredes para aprender máis sobre o tema:

O TEMPO ATMOSFÉRICO, recurso publicado polo Ministerio de Educación (MEC)

O CLIMA e AS PAISAXES, recurso publicado polo MEC

O CLIMA, Edilim elaborado polo colexio público LOS ÁNGELES, un "cole" estremeño

O ESTUDO DO TEMPO ATMOSFÉRICO, publicado pola Xunta de Castela-A Mancha (JCCM)

técnicas de RELAXACIÓN da editorial SM

Ola mozos e mozas:
Deixámosvos un enlace á páxina de SM, na que vos fan unhas moi boas recomendacións para relaxarvos antes dos exames. 
Clicade aquí! E, unha vez dentro,  picades onde di: "HAZ CLIC AQUÍ PARA DESCARGARLA"! 

RECORDATORIO CONTROIS

Ola nen@s!

Recordade que esta semana teremos os controis das linguas;

O xoves día 6  de xuño, realizaremos o control de Español, tema 10 e 11.

O venres  día 7 de xuño, tócalle o turno a Lingua Galega, tema 10 e 11.

Ide repasando!!