Ola! Nova semana, novo tema! NOTAMOS O PASO DO TEMPO, páxs. 174 á 189 do libro de medio. Que estudaremos nel? Pois...

- Pasado, presente e futuro. A historia, a historia persoal e a historia local.

-  A medida do tempo histórico e as fontes e as idades da historia.

-  Cambios nunha localidade ao longo da historia.

-  Identificación e clasificación de fontes da historia e de sucesos segundo o tipo de historia ao que pertencen.

-  Representación de tempos e feitos da historia persoal.

-  Resolución de problemas sinxelos con equivalencias de medidas de tempo.

-  Descrición de imaxes nas que se mostren elementos representativos da vida da localidade en diferentes idades da historia.

-  Identificación de fontes locais de cada idade da historia.

-  Curiosidade por coñecer feitos históricos da súa familia, do concello de Oleiros...

-  Valoración das fontes e dos estudos históricos.

CANDO TE EXAMINARÁS DEL? En principio, o luns 4 de xuño!

PROGRAMACIÓN DE MATEMÁTICAS

Ola de novo! Como nesta semana que entra, imos comezar un novo tema, o 13, MASA E CAPACIDADE, queremos que saibades que contidos traballaremos:

. Identificación das unidades convencionais para medir a masa e a capacidade.

. Recoñecemento do valor das pesas en balanzas en equilibrio.

. Identificación das expresións fraccionarias na medición da masa e da capacidade en situacións da vida cotiá.

. Realización no contorno de estimacións de masa e capacidade.

. Comparación de magnitudes de masa e capacidade.

. Valoración da importancia das unidades de masa e capacidade e das súas expresións fraccionarias máis usuais na vida cotiá.

. Curiosidade por coñecer a balanza como instrumento das medidas de masa.

. Seguridade na expresión de magnitudes de masa e capacidade recoñecendo as unidades de medida adecuadas.

ANTES DE FINALIZALO, XA VOS AVISAREMOS DE CANDO REALIZAREDES O EXAME.

AH! E NON DEIXEDES DE SEGUIR TRABALLANDO O CÁLCULO: resta levando, multiplicacións pola unidade seguida de ceros, a división...; e a RESOLUCIÓN DE PROBLEMAS.

 

NOVAS PROGRAMACIÓNS DAS LINGUAS

Esta semana comezamos novos temas en español e galego. OLLO! En canto os rematemos, faremos os exames deste tema e do anterior.

TEMA 9	LINGUA ESPAÑOLA	LINGUA GALEGA
Lectura	Un fenómeno espectacular, páxs. 112 á 114	. VALENTÍN PAZ ANDRADE _Letras Galegas 2012- . León na neve, páxs. 102 á 104
Vocabulario	Aumentativos, páx. 115	O tempo, páx. 110
Ortografía	Palabras terminadas en –ILLO, -ILLA (tema 14), páxs. 184 e 185	Uso de V (tema 14), páxs. 168 e 169
Gramática	O verbo (tema 14), páxs. 182 e 183	O verbo (tema 14), páxs. 166 e 167
Expresión escrita	TÉCNICA de escritura; ordenar oracións nun parágrafo, páx. 120	Escribir unha postal, páx. 111 Describir un lugar (tema 10), páx. 123
Expresión oral	Seguir instrucións orais/Dar instrucións, páx. 121	Informámonos sobre o tempo que vai/Lemos en grupo, páx. 105
Obradoiros		Obradoiro de poesía: Meniño gaiteiro, páx. 112
Son capaz de		Mellorar a comprensión dun texto, páx. 113

E se o cantamos, que?

Hoxe fomos ata Mera, ao Centro Cultural Gabriel García Márquez. Vimos o grupo de teatro Migallas representando a súa obra "E se o cantamos?".

http://www.empuje.net/images/stories/artistas/teatro/companhias/migallas/migallas3.jpg

Que nos pareceu? Pois, volo imos dicir...

Foi moi divertido porque as cancións eran moi apegadizas.

Rosiña, a actriz,  sempre estaba moi enfadada; Pepe, o actor,  sempre estaba a falar.

E, ao final, ensináronnos que se estamos "enfurruñados" e anoxados,  unha cancionciña pódenos axudar. (Nils e Andrea)

E se queredes saber máis deles, entrade en...
www.migallas.com

Tamén os podedes buscar en YouTube e escoitar o seu rap da lingua e moitas outras cancións!

DATAS DOS EXAMES de MATEMÁTICAS e MEDIO

Lembrade estas datas:

• O xoves 10, exame de matemáticas: A LONXITUDE, páxs. 96 á 105.

• O mércores 16 de maio, exame de medio: A LOCALIDADE e O CONCELLO de OLEIROS.