Tema 14 de Matemáticas: Tempo e diñeiro

Ola a tod@s!

Comezamos novo tema na área matemáticas, é o nº 14 do noso libro, "Tempo e diñeiro".

Estamos na recta final do curso. Un pequeno esforzo máis nun tema que vos vai resultar sinxelo. Estes son os conceptos que imos traballar.  

Tema 14	Tempo e diñeiro
Conceptos	·        Sistema sesaxesimal: expresión complexa e incomplexa. ·        Suma e resta con unidades de tempo. ·        Operacións con euros e devolucións. ·        Redondeo de prezos.
Cálculo mental	·        Multiplicar por 0,25.
Problemas	·        Redondear prezos.
Competencias	·        Aplicación práctica de conceptos.
Repaso	·        Operacións con decimais.

O reloxo

Sistema sesaxesimal

Moedas

Moedas e billetes

Unidades de tempo

Sumas e restas con tempos

CONVERTÉMONOS EN CIENTÍFICOS nº 6

Ola cativ@s: Reanudamos a serie sobre os experimentos que estades a facer en clase, e aquí  tedes a presentación que fixo Álvaro coas fotos que sacamos da súa demostración, claro! da de Álex e del! Tamén vos damos acceso á súa ficha.

Ficha sobre "A auga que non cae", por Álex e Álvaro 

Presentación de diapositivas: Experimento �lvaro-Alex - Diapositivas

Exame de Matemáticas do tema 12

EXAME DE MATEMÁTICAS

O martes, 27 de maio, realizaremos o exame correspondente á Unidade 12, "Peso e capacidade".

Nesta unidade, como na anterior, traballamos o sistema métrico decimal. Serán actividades similares que agora practicastes máis, así que, seguro que os resultados serán bos.

Comezamos o estudo da HISTORIA

Ola rapazas e rapaces, outra vez máis damos un salto en medio, e, nesta ocasión, ímonos á HISTORIA. Comezamos o tema 13 do voso libro: A PREHISTORIA E A IDADE ANTIGA EN GALICIA.

Que imos dar nel? Pois...

• A Prehistoria e a cultura material antes da escritura.
• A aparición da escritura: a Historia e as súas idades.
• As primeiras civilizacións.
• A civilización romana.
• Os primeiros poboadores da Península Ibérica.
• A romanización na Península Ibérica e en Galicia.
• Elaboración de liñas do tempo e de esquemas de organización da información de acordo cun criterio cronolóxico.
• Realización de fichas, clasificación e descrición de restos materiais e monumentos.
• Iniciación á lectura de mapas históricos.
• Respecto e valoración do patrimonio histórico e artístico como forma de expresión cultural e de coñecemento do pasado.
• Valoración da cultura propia e respecto cara a outras culturas.

E onde entraredes para saber máis del?

A MÁQUINA DO TEMPO

mapa conceptual A PREHISTORIA

esquema da PREHISTORIA

a PREHISTORIA, actividades e avaliación -PROXECTO SILANDEIRA-

a IDADE ANTIGA, actividades e avaliación -proxecto SILANDEIRA-

E para repasar

Recursos creados polo colexio BRETÓN DE LOS HERREROS, Logroño

LETRAS GALEGAS 2014: XOSÉ MARÍA DÍAZ CASTRO

Xa sabedes que este ano se lle adica o Día das Letras a Xosé Mª Díaz Castro. 
Inserímosvos o seu poema Esmeralda -musicado por Antonio Mandiá, mestre de música do CEIP Fernández Latorre da Coruña e cantado por Icía, unha nena dese colexio- e uns enlaces que vos van servir para aprender moitas cousas sobre el.

Esmeralda

“Herba pequerrechiña

   que con medo sorrís

   ó sol que vai nacendo

   e morrendo sen ti,

   ¿por que de ser pequena

   te me avergonzas ti?

   ¡O Universo sería

   máis pequeno sen ti!”

Canción sobre o poema Esmeralda, recurso conseguido a través do blog http://nlmilladoiro.blogspot.com.es/2014/05/esmeralda.html

CEIP FDEZ. LATORRE: ACTIVIDADES DO EQUIPO DE DINAMIZACIÓN DA LINGUA GALEGA

Estes recursos proveñen do CEIP JUAN FERNÁNDEZ LATORRE da Coruña, IES DÍAZ CASTRO de Guitiriz e do CEIP MILLADOIRO de Malpica.  GRAZAS A TODOS ELES!

O REAL XARDÍN BOTÁNICO de Madrid

Ola cativ@s de 5º, aquí tedes uns enlaces aos recursos educativos do Xardín Botánico de Madrid.

museo virtual

Linneo e a clasificación inventada por el

E para que saibades máis do Real Xardín Botánico, pegámosvos un enlace á súa páxina web.

APROVEITAMOS ESTA ENTRADA para avisarvos de que o próximo xoves, vinte e dous de maio, faredes o exame deste tema.

MARINA SEOANE PASCUAL, ilustradora

Hoxe, martes 13, tivemos un encontro coa ilustradora Marina Seoane. Encantounos e aprendimos moito con ela.
Se picades na súa foto, entraredes na súa páxina web e poderedes saber moitas cousas dela e das súas obras!

A ilustradora Marina Seoane

AS PLANTAS: REPRODUCIÓN ASEXUAL ou VEXETATIVA

Ola raparig@s: Subímosvos un vídeo estupendo onde vos explican moi ben outro tipo de reprodución das plantas, a reprodución asexual ou vexetativa.

A FUNCIÓN DE RELACIÓN NAS PLANTAS

As plantas tamén a teñen, e para que o comprobedes, clicade nestes vídeos de YouTube.

Venus atrapamoscas

Tema 12 de Matemáticas: Peso e capacidade

Ola a tod@s!

Nos próximos días, na área de matemáticas, seguiremos traballando as medidas no  tema nº 12, " Peso e capacidade".

Aquí tedes a programación do novo tema. Podedes aproveitar e aplicar moitos dos coñecementos que traballastes no tema anterior. Practicade as actividades propostas!!

Tema 12	Peso e capacidade
Conceptos	·        Unidades de peso. ·        Múltiplos e submúltiplos do gramo. ·        Fraccións e múltiplos do kilo. ·        Múltiplos e submúltiplos do litro.
Cálculo mental	·        Sumar números de dúas cifras rematados en 9.
Problemas	·        Elixir os datos. Relación entre os datos para obter un determinado resultado.
Competencias	·        Aplicación práctica de conceptos.
Repaso	·        Operacións con decimais.

Peso e capacidade I

Peso e capacidade II

Peso e capacidade III

Sistema métrico decimal